>>من هو الجــــــــــاني<<

ادوس قلبي لو يعاند ويعصـــــــــــاني
....................ما عاد للقلب عندي للاسف خـــــــانه
درس خذيته من الدنيا وربــــــــــــاني
....................احكّم العقل في قلبي ووجــــــــــــدانه
ما هو تحكّم ولكن درس خــــــــلاني
....................أحذر زمان يحسبني ضمن عـــدوانه
يرسل علي القهر سهمه ولا اخطاني
....................وماخذ من القلب .. يالله .. نيشــــانه
ما ادري على وين طيبي كـــان وداني
....................ما هو بـ وقته ولا العنوان عـــــــنوانه
الحلم يمه تغير .. صار عـــــــــدواني
....................كشّر عن الناب قبل يبان عــــــــــدوانه
اعامل الناس حسبة اقرب اخــــــواني
....................واثر النوايا مريضه .. غدر وخــــيانه
كنت اعتبر في قلوب الناس أوطـــاني
....................كنت أحسب العالم أبيض كل ألــــوانه
ما كنت اعرْف السواد الي تغشــــاني
....................واعدم فؤادي وما يملك وجيـــــــرانه
سواد دمر كياني و وهيج أشجـــــاني
....................ترك مشاعر مكسّرها وخـــــــــربانه
قلبي تآلم ولا أدري من هو الجــــاني
....................مـ الي كسر في ظلام الليل بيبــــــانه
مـ الي تسبب بـ جرح فيه بكــــــــاني
....................مـ الي سقاني وأنا من الهم رويـــــانه
عوّد تركته يهيم فـ وسط وديـــــــاني
....................ودعته الله مع جراحه واحــــــــــزانه
عسى الحزن تبعد دروبه وينســــاني
....................وعسى يضيّع دروبي وقت نســـــاينه
يا قلب ما صار في دنياي كفــــــــاني
....................يكفي دموعٍ وفيّه غير خــــــــــــوانه
من بعد ما كنت أحب الناس واعـاني
....................أصبحت وحدي وكلٍ لاهي بـ شــانه
ما فيه غالي تعنى يوم من شـــــــاني
....................وأنا الي أغليه .. اضحي علشـــــانه
لا ضقت يمه بكيت بـ جنب قــــرآني
....................ما خاب من رافق فـ دنياه قـــــــرآنه
صحيح كفٍ قويّ من الألم جــــــاني
....................لكنّ ماني على ما فات ندمــــــــــانه
راحة ضميري وقناعاتي ووجــداني
....................والله يجزي على النيات بـ جنـــــانه
المعذره كان بحت بشي يعنــــــــاني
....................الهم صعبٍ علي اليوم كتمـــــــــانه




قصيــده آعجبتنــي كلاماتهــا فحبيت آنكم تقروونهــآآ

كلمات اكثر من الرائعه
بانتظارك
يعطيك العافيه